കേന്ദ്ര വിദേശകാര്യ സഹമന്ത്രി വി മുരളീധരന്റെ ഉള്ളൂരിലെ വീട്ടില് അജ്ഞാതരുടെ ആക്രമണം.
കാര് പോര്ച്ചില് ചോരപ്പാടുകളും കണ്ടെത്തി. എപ്പോഴാണ് ആക്രമണം നടന്നതെന്ന് വ്യക്തമല്ല. ഇന്ന് രാവിലെ പത്തുമണിയോടെ വീട് വൃത്തിയാക്കാനെത്തിയ സ്ത്രീയാണ് ചോരപ്പാടുകളും മറ്റും കണ്ടത്.
വീടിന്റെ ടെറസിലേയ്ക്കുള്ള പടികളിലും ചോരപ്പാടുകള് ഉണ്ട്. എന്നാല് വാതില് തള്ളിത്തുറക്കാനോ ജനല് കുത്തിത്തുറക്കാനോ ഉള്ള ശ്രമം നടന്നിട്ടില്ല. ഇക്കാരണങ്ങളാല് മോഷണശ്രമമായി കാണാന് ആകില്ലെന്ന് വി മുരളീധരന്റെ സഹായികളിലൊരാളായ ബാലു പറഞ്ഞു. ആക്രമണശ്രമമായാണ് തോന്നുന്നതെന്നും അദ്ദേഹം കൂട്ടിച്ചേര്ത്തു.
മുരളീധരന് തിരുവനന്തപുരത്ത് എത്തുമ്പോള് താമസിക്കുന്ന വീടാണിത്.
ഇതിന് പിന്നിലായാണ് മന്ത്രിയുടെ ഓഫീസ് പ്രവത്തിക്കുന്നത്. പാര്ലമെന്റ് സമ്മേളനം നടക്കുന്നതിനാല് വി മുരളീധരന് ഡല്ഹിയിലാണ്.
