പ്രത്യേക സംക്ഷിപ്ത വോട്ടര്പട്ടിക പുതുക്കലിന്റെ ഭാഗമായി പ്രസിദ്ധീകരിച്ച കരട് വോട്ടര് പട്ടിക സംബന്ധിച്ച പരാതികളും നിര്ദ്ദേശങ്ങളും സമര്പ്പിക്കാന് ഡിസംബർ എട്ടു വരെ അവസരം.
വോട്ടര് പട്ടിക പരിശോധിക്കുന്നതിനും അകാരണമായ ഒഴിവാക്കലുകള് കണ്ടെത്തി പട്ടികയില് ഉള്പ്പെടുത്തുന്നതിനുമുള്ള സൗകര്യം ലഭ്യമാണ്.
ലഭിച്ച പരാതികള് അടുത്ത മാസം 26നു മുമ്പ് തീര്പ്പാക്കി ജനുവരി അഞ്ചിന് അന്തിമ വോട്ടര് പട്ടിക പ്രസിദ്ധീകരിക്കും. കഴിഞ്ഞ ഒമ്പന് കരട് വോട്ടര് പട്ടിക പ്രസിദ്ധീകരിച്ചിരുന്നു.
2024 ലെ പൊതുതെരഞ്ഞെടുപ്പിലേക്കാണ് അടുത്ത ജനുവരി ഒന്ന് അടിസ്ഥാനമാക്കി പ്രത്യേക സംക്ഷിപ്ത വോട്ടര് പട്ടിക തയ്യാറാക്കുന്നത്.
കൂടാതെ, 17 വയസ് പൂര്ത്തിയായവര്ക്ക് പേരു ചേര്ക്കുന്നതിന് അപേക്ഷ സമര്പ്പിക്കാം. അപേക്ഷകള് ഇലക്ഷന് കമ്മീഷന്റെ സൈറ്റിലൂടെയോ ഹെല്പ് ലൈന് ആപ് മുഖേനയോ സമര്പ്പിക്കാം.
