വന്ദേ ഭാരത് എക്സ്പ്രസ്സിന്റെ ഫ്ലാഗ് ഓഫും വിവിധ പദ്ധതികളുടെ ഉദ്ഘാടനവും നിര്വഹിക്കാന് പ്രധാനമന്ത്രി രാവിലെ തിരുവനന്തപുരത്തെത്തി.
വിമാനത്താവളത്തിന്റെ ടെക്നിക്കല് ഏരിയയില് ഗവര്ണര് ആരിഫ് മുഹമ്മദ് ഖാന് മുഖ്യമന്ത്രി പിണറായി വിജയന് എന്നിവര് ചേര്ന്ന് പ്രധാനമന്ത്രിയെ സ്വീകരിച്ചു. കര്ശന സുരക്ഷാ വലയത്തിലാണ് തലസ്ഥാന നഗരം.
സെന്ട്രല് റെയില്വേ സ്റ്റേഷനില് വന്ദേഭാരത് എക്സ്പ്രസ് പ്രധാനമന്ത്രി ഫ്ലാഗ് ഓഫ് ചെയ്യും. രാജ്യത്തെ ആദ്യത്തെ വാട്ടര് മെട്രോ ആയ കൊച്ചിന് വാട്ടര് മെട്രോ പ്രധാനമന്ത്രി രാഷ്ട്രത്തിന് സമര്പ്പിക്കും. വൈദ്യുതീകരിച്ച ദിണ്ഡിഗല് – പളനി – പാലക്കാട് സെക്ഷനും നാടിന് സമര്പ്പിക്കും. ഡിജിറ്റല് സയന്സ് പാര്ക്ക്, തിരുവനന്തപുരം, കോഴിക്കോട്, വര്ക്കല – ശിവഗിരി സ്റ്റേഷനുകളുടെ പുനര്വികസനം, നേമവും കൊച്ചുവേളിയും ഉള്പ്പെടുന്ന തിരുവനന്തപുരം റെയില്വേ മേഖലയുടെ സമഗ്ര വികസനം, തിരുവനന്തപുരം-ഷൊര്ണ്ണൂര് ഭാഗത്തെ വേഗം വര്ദ്ധിപ്പിക്കല് എന്നീ പദ്ധതിക്കള്ക്ക് പ്രധാനമന്ത്രി തറക്കല്ലിടും.
