കേരളമുള്പ്പെടെ ഇന്ത്യയിലെ എല്ലാ സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലും ഓണ്ലൈന് വിവരാവകാശ പോര്ട്ടല് സ്ഥാപിക്കണമെന്നു സുപ്രിംകോടതി നിർദ്ദേശിച്ചു.
നിലവില് വിവരാവകാശ നിയമപ്രകാരം വിവരം ലഭ്യമാകണമെങ്കില് നേരിട്ടോ തപാല് മുഖാന്തരമോ വേണം അപേക്ഷ നല്കുവാന്. കേന്ദ്രസര്ക്കാരുമായി ബന്ധപ്പെട്ട വിവരശേഖരണത്തിനായി ഓണ്ലൈന് ആര്ടിഐ പോര്ട്ടലുകള് ഉണ്ടെങ്കിലും സംസ്ഥാനങ്ങളില് ഓണ്ലൈന് ആര്ടിഐ പോര്ട്ടലുകള് നിലവിലില്ല. സമ്പൂര്ണ ഡിജിറ്റല് സംസ്ഥാനമെന്ന പെരുമ പറയുന്ന കേരളത്തിലും ഓണ്ലൈന് ആര്ടിഐ പോര്ട്ടലുകള് ഇല്ലാത്തത് കണ്ടെത്തിയതിനെ തുടർന്നാണ് സുപ്രീംകോടതി നിർദ്ദേശം.
