സംസ്ഥാനത്തിന്റെ പേര് ഭരണഘടനയിലും മറ്റ് ഔദ്യോഗിക രേഖകളിലും ‘കേരളം’ എന്നാക്കി മാറ്റുന്നതിനായുള്ള പ്രമേയം പാസാക്കി കേരള നിയമസഭ.
ഐക്യകണ്ഠേനയാണ് പ്രമേയം പാസാക്കിയത്. സംസ്ഥാനത്തിന്റെ ഔദ്യോഗിക നാമധേയം ഇന്ത്യന് ഭരണഘടനയുടെ എട്ടാം പട്ടികയില് ഉള്പ്പെട്ട എല്ലാ ഭാഷകളിലും ‘കേരളം’ എന്നാക്കി മാറ്റാന് കേന്ദ്ര സര്ക്കാരിനോട് അഭ്യര്ത്ഥിക്കുകയാണെന്ന് പ്രമേയം അവതരിപ്പിച്ച് കൊണ്ട് സർക്കാർ വ്യക്തമാക്കി.
▪️സംസ്ഥാനത്തിന്റെ പേര് ഭരണഘടനയിലും മറ്റ് ഔദ്യോഗിക രേഖകളിലും ‘കേരളം’ എന്നാക്കി മാറ്റുന്നതിന് കേന്ദ്രസര്ക്കാരിനോടാവശ്യപ്പെട്ട്കൊണ്ട് അവതരിപ്പിച്ച പ്രമേയം.
നമ്മുടെ സംസ്ഥാനത്തിന്റെ നാമധേയം മലയാള ഭാഷയില് കേരളം എന്നാണ്. ഭാഷാടിസ്ഥാനത്തില് സംസ്ഥാനങ്ങള് രൂപവല്ക്കരിക്കപ്പെട്ടത് 1956 നവംബര് 1-നാണ്. കേരളപ്പിറവി ദിനവും നവംബര് 1-നാണ്. മലയാള ഭാഷ സംസാരിക്കുന്ന ജനവിഭാഗങ്ങള്ക്കായി ഐക്യകേരളം രൂപപ്പെടണമെന്നത് ദേശീയ സ്വാതന്ത്ര്യസമര കാലം മുതല് ശക്തമായി ഉയര്ന്നുവന്നിരുന്ന ആവശ്യമാണ്. എന്നാല് ഭരണഘടനയുടെ ഒന്നാം പട്ടികയില് നമ്മുടെ സംസ്ഥാനത്തിന്റെ പേര് കേരള എന്നാണ് രേഖപ്പെടുത്തിയിട്ടുള്ളത്. ഇത് കേരളം എന്നാക്കി ഭേദഗതിപ്പെടുത്തുന്നതിനുവേണ്ട അടിയന്തര നടപടികള് ഭരണഘടനയുടെ അനുച്ഛേദം 3 പ്രകാരം കൈക്കൊള്ളണമെന്ന് ഈ നിയമസഭ ഏകകണ്ഠമായി യൂണിയന് ഗവണ്മെന്റിനോട് ആവശ്യപ്പെടുന്നു. ഭരണഘടനയുടെ എട്ടാം പട്ടികയില് പറയുന്ന എല്ലാ ഭാഷകളിലും നമ്മുടെ നാട് ‘കേരളം’ എന്ന പേരില് മാറ്റണമെന്നും ഈ സഭ അഭ്യര്ത്ഥിക്കുന്നു’
