തൊഴിലുറപ്പ് തൊഴിലാളികളുടെ പ്രതിഷേധം
അഞ്ചുതെങ്ങ് ഗ്രാമപഞ്ചായത്തിലെ തൊഴിലുറപ്പ് പദ്ധതി അട്ടിമറിക്കാനുള്ള കോൺഗ്രസ് ശ്രമത്തിനെതിരെ എൻ ആർ ഇ ജി വർക്കേഴ്സ് യൂണിയൻ അഞ്ചുതെങ്ങ് മേഖലാ കമ്മിറ്റിയുടെ നേതൃത്വത്തിൽ തൊഴിലുറപ്പ് തൊഴിലാളികൾ പ്രതിഷേധിച്ചു.
വ്യാജ പരാതികൾ നൽകിയും, ഉദ്യോഗസ്ഥരെയും തൊഴിലാളികളെയും തെറ്റിദ്ധരിപ്പിച്ചും ഈ പദ്ധതി തകർക്കാൻ കോൺഗ്രസ് നടത്തുന്ന ശ്രമങ്ങൾ അവസാനിപ്പിക്കണമെന്ന് ആവശ്യപ്പെട്ടു കൊണ്ടായിരുന്നു തൊഴിലാളികളുടെ പ്രതിഷേധം.
പഞ്ചായത്തിലെ തൊഴിലുറപ്പ് മേഖലയിൽ പണിയെടുക്കുന്ന ബഹുഭൂരിപക്ഷം തൊഴിലാളികൾക്കും 100 ദിവസത്തെ പണി ലഭിക്കുമെന്ന് ഉറപ്പായത്തിനു ശേഷമാണ് പഞ്ചായത്തിൽ ഈ പദ്ധതി അട്ടിമറിക്കുവാൻ വ്യാജ പരാതികളുമായി കോൺഗ്രസ് ഇറങ്ങിത്തിരിച്ചിരിക്കുന്നത്.
കായിക്കരയിൽ ചേർന്ന പ്രതിഷേധയോഗം എൻ ആർ ഇ ജി
വർക്കേഴ്സ് യൂണിയൻ ആറ്റിങ്ങൽ ഏരിയ കമ്മിറ്റി സെക്രട്ടറി എസ് പ്രവീൺ ചന്ദ്ര ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് വി ലൈജു. മത്സ്യ തൊഴിലാളി യൂണിയൻ ജില്ലാ സെക്രട്ടറി
ആർ ജെറാൾഡ്, ഗ്രാമപഞ്ചായത്ത് അംഗങ്ങളായ സജി സുന്ദർ, സരിത ബിജു എന്നിവർ സംസാരിച്ചു.
