𝐁𝐑𝐄𝐀𝐊𝐈𝐍𝐆 𝐍𝐄𝐖𝐒
അഞ്ചുതെങ്ങിലെ വിവാദമായ അങ്കണവാടി വർക്കർ – ഹെൽപ്പർ സെലെക്ഷൻ കമ്മിറ്റി ലിസ്റ്റ് റദ്ധാക്കി ഓബുഡ്സ്മാൻ ഉത്തരവ്.

വിവാദമായ അഞ്ചുതെങ്ങ് ഗ്രാമ പഞ്ചായത്ത് അങ്കണവാടി വർക്കർ – ഹെൽപ്പർ സെലെക്ഷൻ കമ്മിറ്റി ലിസ്റ്റ് റദ്ധാക്കി ഓബുഡ്സ്മാൻ ഉത്തരവ്.

അങ്കണവാടി വർക്കർ – ഹെൽപ്പർ സെലെക്ഷൻ കമ്മിറ്റിയിലേക്ക് പാർട്ടി സെക്രട്ടറിയേയും അനുയായികളേയും തിരുകിക്കയറ്റിയതിനെ തുടർന്ന് വൻ-വിവാദങ്ങൾക്ക് കാരണമായ സെലക്ഷൻ കമ്മറ്റി ലിസ്റ്റാണ് ഓബുഡ്സ്മാൻ ഉത്തരവോടെ റദ്ധാക്കപ്പെട്ടിരിക്കുന്നത്.

തദ്ദേശസ്ഥാപനങ്ങളുടെ ഒമ്പുഡ്സ്മാൻ ജസ്റ്റിസ് ഗോപിനാഥനാണ് നടപടി സ്വീകരിച്ചുകൊണ്ടുള്ള ഉത്തരവ് പുറപ്പെടുവിച്ചത്. പുതിയ സെലക്ഷൻ കമ്മറ്റിയിലേക്കുള്ളവരെ രണ്ട് മാസത്തിനകം നിയമനം നടത്താൻ ജില്ലാ മിഷൻ പ്രോഗ്രാം കോർഡിനേറ്റർ ഓഫീസർക്ക് നിർദേശം നൽകുകയും ചെയ്തു. 2010 ലെ ലിസ്റ്റും റദ്ദാക്കിയിട്ടുണ്ട്.

സെലെക്ഷൻ കമ്മിറ്റിയിലേക്ക് ഉൾപ്പെടുത്തേണ്ടുന്നതിനായി അഞ്ചുതെങ്ങ് ഗ്രാമ പഞ്ചായത്താണ് 5 സാമൂഹ്യ പ്രവർത്തകരുടെ പട്ടിക നൽകിയിരുന്നത്. കക്ഷി രാഷ്ട്രീയത്തിന് അതീതമായി സാമൂഹ്യ പ്രവർത്തകരെ നിയമിക്കണമെന്ന മാനദണ്ഡങ്ങൾ നിലനിൽക്കവേയാണ് തീർത്തും ഏകപക്ഷീയമായി പാർട്ടി സെക്രട്ടറിയെയും അനുയായികളേയും മാത്രം ഉൾപ്പെടുത്തിക്കൊണ്ട് ഗ്രാമ പഞ്ചായത്ത് സെലക്ഷൻ കമ്മറ്റി ലിസ്റ്റ് തയ്യാറാക്കിയത്.

ലിസ്റ്റിൽ ക്യാമ്യൂണിസ്റ്റ് പാർട്ടി ലോക്കൽ കമ്മറ്റി സെക്രട്ടറി എസ് പ്രവീൺ ചന്ദ്രയെ ബാങ്ക് പ്രസിഡന്റ് എന്ന പദവിയിയിൽ ഉൾക്കൊള്ളിച്ചും, മുൻ പാർട്ടി സെക്രട്ടറിയും ക്യാമ്യൂണിസ്റ്റ് പാർട്ടി നേതാവുമായ ആർ ജാറാൾഡിനെ മത്സ്യഫെഡ് മെമ്പർ എന്ന പദവിയിലും, മുൻ പാർട്ടി സ്ഥാനാർഥിയും പാർട്ടിയുടെ മഹിളാ അസോസിയേഷൻ നേതാക്കളുമായ ശ്യാമ പ്രകാശ്, മേരി എൽബിൻ തുടങ്ങിയവരെ കുടുംബ ശ്രീയുടെ പേരിലും പാർട്ടി പ്രവർത്തയും ബ്രാഞ്ച് കമ്മറ്റി അംഗവുമായ അന്ന മേരിയെ ആശാവർക്കർ എന്ന നിലയിലുമാണ് പട്ടികയിൽ ഉൾപ്പെടുത്തിയിരുന്നത്.

ഇതോടെ അംഗണവാടികളിലെ തുടർ നിയമനങ്ങൾ വീണ്ടും പഴയതുപോലെ പാർട്ടി അനുയായികൾക്കും ഇഷ്ടക്കാർക്കും വീതിച്ചു നല്കുന്ന നടപടിയാകും ഉണ്ടാകുകയെന്ന ആക്ഷേപങ്ങളും ഉയർന്നിരുന്നു.