കേരള ശാസ്ത്ര സാഹിത്യ പരിഷത്ത് ആറ്റിങ്ങൽ മേഖലാ വാർഷികം കൂന്തള്ളൂർ പ്രേംനസീർ സ്മാരക ഗവ ഹയർ സെക്കൻ്ററി സ്കൂളിൽ നടന്നു. പൊതുസമ്മേളനം ചിറയിൻകീഴ് ബ്ലോക്ക് പഞ്ചായത്ത് പ്രസിഡൻ്റ് പി സി ജയശ്രീ ഉദ്ഘാടനം ചെയ്തു. സംഘാടക സമിതി ചെയർമാൻ എസ് അനസിൻ്റെ അധ്യക്ഷത വഹിച്ച പരിപാടിയിൽ കൺവീനർ എം. ഷൗക്കി സ്വാഗതം ആശംസിച്ചു.
കേരള ശുചിത്വമിഷൻ പ്രോഗ്രാം ഓഫീസർ രാജേന്ദ്രൻ നായർ ഭരണഘടനാ മൂല്യവും സമകാലിക ഇന്ത്യയും എന്ന വിഷയം അവതരിപ്പിച്ചു. ജയപ്രകാശിൻ്റെ അധ്യക്ഷതയിൽ നടന്ന പ്രതിനിധി സമ്മേളനത്തിൽ സെക്രട്ടറി ബിനു തങ്കച്ചി റിപ്പോർട്ടും ജില്ലാകമ്മിറ്റിയംഗം സുനിൽകുമാർ സംഘടനാരേഖയും
അവതരിപ്പിച്ചു. ഷാൻ ഷക്കീർ പരിപാടിയിൽ നന്ദിയും പറഞ്ഞു.
സുധീർ രാജ് (പ്രസിഡൻ്റ്) ബിനു തങ്കച്ചി (സെക്രട്ടറി) ഡോ ബിനു കിഴുവിലം (വൈസ് പ്രസിഡൻ്റ്) അഡ്വ. ലിജ ഷിബു (ജോയിൻ്റ് സെക്രട്ടറി) എം ഷൗക്കി (ട്രഷറർ) എന്നിവരെ പുതിയ ഭാരവാഹികളായി തിരഞ്ഞെടുത്തു.
