𝐁𝐑𝐄𝐀𝐊𝐈𝐍𝐆 𝐍𝐄𝐖𝐒
മുതലപ്പൊഴി മണൽ നീക്കം : അദാനി ഗ്രൂപ്പ്‌ന്റെയും ഹാർബർ എഞ്ചിനീയറിംഗ് വിഭാഗത്തിലെ ഉദ്യോഗസ്ഥരെയും തടഞ്ഞ് വച്ചു.

അഴിമുഖത്ത് മണൽ മൂടിയതിനെതുടർന്ന് മത്സ്യബന്ധനം ഭാഗീകമായ് നിലച്ച മുതലപ്പൊഴിയിലെ അഴിമുഖത്തെ മണൽ നീക്കം വിലയിരുത്താനെത്തിയ അദാനി ഗ്രൂപ്പ്‌ന്റെയും ഹാർബർ എഞ്ചിനീയറിംഗ് വിഭാഗത്തിലെ ഉദ്യോഗസ്ഥരെയും തടഞ്ഞ് വച്ചു.

സിഐടിയു വിന്റെ നേതൃത്വത്തിലെ ഒരു സംഘം തൊഴിലാളികളാണ് ഉദ്യോഗസ്ഥ വിഭാഗത്തെ തടഞ്ഞ് വച്ചത്. മണ്ണുമാന്തി യന്ത്രങ്ങൾ ഉപയോഗിച്ചുള്ള മണൽ നീക്കംകൊണ്ട് തൽസ്ഥിതി തരണം ചെയ്യുവാൻ സാധിക്കില്ലെന്നും അടിയന്തിരമായി ട്രാഡ്ജറുകൾ എത്തിച്ച് മണൽ നീക്കം വേഗത്തിലാക്കണമെന്ന ആവശ്യവും ഉന്നയിച്ചാണ് ഉദോഗസ്ഥ സംഘത്തെ തടഞ്ഞു വച്ചത്.

അഴിമുഖം മണൽ മൂടി മത്സ്യബന്ധനം അപകടകരമായതോടെ ഭാഗീകമായി മത്സ്യബന്ധനം നിലയ്ച്ച സാഹചര്യത്തിൽ അടിയന്തരമായി മണൽ നീക്കം ആവിശ്യപ്പെട്ടുകൊണ്ട് മത്സ്യത്തൊഴിലാളികൾ രംഗത്ത് വന്നിരുന്നു.

ഇതോടെ കഴിഞ്ഞ 18 നു മുതലപ്പൊഴി സന്ദർശിച്ച ഫിഷറീസ് ഡെപ്യൂട്ടി ഡയറക്ടർ അടിയന്തരമായി മണൽ നീക്കം ചെയ്‌യുവാൻ ഉദ്യോഗസ്ഥർക്ക് കർശന നോർദ്ദേശം നൽകിയിരുന്നു, ഇതേ തുടർന്ന് അടുത്ത ദിവസം മുതൽ മണൽ നീക്കം ആരംഭിക്കുകയും ചെയ്തിരുന്നു.

എന്നാൽ അഴിമുഖത്ത് നിലവിൽ 70 മീറ്റർ നീളത്തിൽ 50 മീറ്റർ വീതിയിൽ മണൽ അടിഞ്ഞുകൂടിയിട്ടുണ്ട്. ഇത് 5 മുതൽ 6 മീറ്ററോളം താഴ്ചയിൽ നീക്കംചെയ്‌താൽ മാത്രമേ മുതലപ്പൊഴി വഴിയുള്ള മത്സ്യബന്ധനം അപകടരഹിതമാക്കുവാൻ സാധ്യമാകുകയുള്ളൂ. ഇതാകട്ടെ, മണ്ണുമന്തി യന്ത്രം ഉപയോഗപ്പെടുത്തിയുള്ള മണൽ നീക്കം കൊണ്ട് സാധിക്കുകയുമില്ല. ഇതേ തുടർന്നാണ് റെഡ്ജറുകൾ എത്തിച്ചു മണൽ നീക്കം കൂടുതൽ വേഗത്തിലും ആക്കണം എന്ന് ആവശ്യവുമായി വീണ്ടും മത്സ്യത്തൊഴിലാളികൾ രംഗത്ത് വന്നത്. ഈ ആവിശ്യം ഉന്നയിച്ചുകൊണ്ടാണ് ഇന്ന് രാവിലെയോടെ സിഐറ്റിയു വിന്റെ നേതൃത്വത്തിൽ പത്തോളം വരുന്ന സംഘം ഉദ്യോഗസ്ഥരെ തടഞ്ഞത്.

എന്നാൽ നിലവിലെ സാഹചര്യത്തിൽ ട്രെഡ്ജ്റുകൾ എത്തിക്കുക പ്രായോഗികമല്ലെന്നാണ് അദാനി ഗ്രൂപ്പ് പറയുന്നത്. അതിന് കാരണമായി അവർ ചൂണ്ടിക്കാട്ടുന്നത് കാലാവർഷം ശക്തമാകുവാൻ പോകുന്ന ഈ സാഹചര്യത്തിൽ ട്രെഡ്ജർ എത്തിച്ച് മണൽ നീക്കം ചെയ്യുന്നത്കൊണ്ട് യാതൊരു പ്രയോജനവും ഉണ്ടാകില്ലെന്നുമാണ്.

നേതാക്കളുമായി ഉദ്യോഗസ്ഥ സംഘത്തിന്റെ ചർച്ച തുടരുകയാണ്.