𝐁𝐑𝐄𝐀𝐊𝐈𝐍𝐆 𝐍𝐄𝐖𝐒 കുടിവെള്ള ക്ഷാമം അതിരൂക്ഷം : പെരുമാതുറയിൽ നിന്നുള്ള സ്ത്രീകളുടെ സംഘം ആറ്റിങ്ങൽ വാട്ടർ അതോറിറ്റി ഉപരോധിക്കുന്നു.

പെരുമാതുറയിൽ നിന്നുള്ള സ്ത്രീകളുടെ സംഘം ആറ്റിങ്ങൽ വാട്ടർ അതോറിറ്റി ഉപരോധിക്കുന്നു. ജലക്ഷാമം അതിരൂക്ഷമായതിനെ തുടർന്നാണ് സ്ത്രീകളുടെ സംഘം ഉപരോധം സമരവുമായി രംഗത്തുവന്നിരിക്കുന്നത്.

വാർഡ് അംഗം അൻസിൽ അൻസാരിയുടെ നേതൃത്വത്തിലാണ് ഉപരോധം, നിലവിൽ ആറ്റിങ്ങൽ വാട്ടർ അതോറിറ്റി ഓഫീസിനുള്ളിൽ ഉദ്യോഗസ്ഥരെ തടഞ്ഞ് വച്ചുകൊണ്ടുള്ള സമരത്തിൽ പെരുമാതുറ മേഖലയിൽനിന്നുള്ള നൂറോളം സ്ത്രീകൾ പങ്കെടുക്കുന്നുണ്ട്. ആറ്റിങ്ങൽ വാട്ടർ അതോറിറ്റി അസ്സിസ്റ്റന്റ് എഞ്ചിനീയർ നിസ്സാർ സമരക്കാരുമായി അനുനയ ചർച്ചകൾ നടന്നുവരുന്നു. സമവായത്തിന്റെ ഭാഗമായി പെരുമാതുറ ഭാഗങ്ങളിൽ ടാങ്കർ ലോറിയിൽ കുടിവെള്ളം എത്തിക്കുവാനുള്ള നടപടികൾ ഉണ്ടാകുമെന്നാണ് സൂചന.

കേന്ദ്ര സർക്കാരിന്റെ സൗജന്യ പദ്ധതിയായ ജലജീവൻ മിഷൻ്റെ ഭാഗമായി പ്രദേശത്തെ നിരവധി വീടുകളിൽ പൈപ്പ് ലൈൻ സ്ഥാപിച്ചിട്ടുണ്ടെങ്കിലും വെള്ളം കിട്ടുന്നില്ലെന്നും എന്നാൽ വാട്ടർ ബില്ല്കൾ ക്രമാതീതമായി വരുന്നതായി സമരക്കാർ ആക്ഷേപം ഉന്നയിക്കുന്നുണ്ട്.

സംഘർഷം കണക്കിലെടുത്ത് സ്ഥലത്ത് ആറ്റിങ്ങൽ , വെഞ്ഞാറമൂട് പോലീസുകൾ ക്യാമ്പ് ചെയ്യുന്നുണ്ട്.