𝐁𝐑𝐄𝐀𝐊𝐈𝐍𝐆 𝐍𝐄𝐖𝐒
മുതലപ്പൊഴി അഴിമുഖത്ത് മണൽ മൂടൽ അതി രൂക്ഷം : മത്സ്യബന്ധനം തടസ്സപ്പെടുന്നു.

അഴിമുഖത്ത് മണൽ മൂടൽ രൂക്ഷമായതോടെ മുതലപ്പൊഴി ഹാർബറിലൂടെയുള്ള മത്സ്യബന്ധനം തടസ്സപ്പെടുന്നു.

അശാസ്ത്രീയ നിർമ്മാണത്തെ തുടർന്ന് അപകടങ്ങൾ തുടർക്കഥയായി കുപ്രസക്തി യാർജ്ജിച്ച അഞ്ചുതെങ്ങ് മുതലപ്പൊഴിലെ ഹാർബറിന്റെ അഴിമുഖത്ത് മണൽ മൂടുന്നത് വീണ്ടും അതിരൂക്ഷമായതോടെയാണ് ഹാർബർ മാർഗ്ഗമുള്ള മത്സ്യബന്ധനം തടസ്സപ്പെടുന്ന അവസ്ഥയിലേക്ക് എത്തിച്ചത്.

നിലവിൽ പെരുമാതുറ ഭാഗത്തെ പുലിമുട്ടിനോട് ചേർന്ന് വൻതോതിൽ മണൽ കുന്നുകൂടി തിട്ട രൂപപ്പെട്ട അവസ്ഥയിലാണ് തന്മൂലം അഞ്ചുതെങ്ങ് ഭാഗത്തെ പുലിമുട്ട് അഴിമുഖ ചാലിലേക്ക് പൊഴിഞ് വീഴുകയും ചെയ്തിട്ടുണ്ട്. ഇതോടെ ഇതുവഴിയുള്ള മത്സ്യബന്ധന യാനങ്ങളുടെ പോക്ക് വരവുകൾ തീർത്തും അപകടരമായ് തീർന്നിരിക്കുകയാണ്.

നിലവിൽ ഹാർബർ ചാൽ വഴിയുള്ള മത്സ്യബന്ധനയാനങ്ങളുടെ പോക്ക് വരവ്കൾ അപകട സാധ്യതകൾ കണക്കിലെടുത്ത് ഭാഗീഗമായി നിലച്ച അവസ്ഥയിലാണ്.

മണൽ തിട്ടയിലും തകർന്ന പുലിമുട്ട്ന്റെ കല്ലുകളിലും തട്ടിയുള്ള അപകടങ്ങളും ഇതുമൂലം ഉണ്ടാകുവാൻ പോകുന്ന ലക്ഷങ്ങളുടെ നാശനഷ്ടവുമാണ് നിലവിൽ പ്രദേശത്തെ മത്സ്യത്തൊഴിലാകളെ ഇതുവഴിയുള്ള മത്സ്യബന്ധനത്തിൽ നിന്നും പിൻന്തിരിപ്പിക്കുന്നത്.

എന്നാൽ ജീവിത പ്രാരാബ്ധനങ്ങളും മത്സ്യബന്ധന ഉപകരണങ്ങൾ ഉൾപ്പെടെയുള്ളവയുടെ കുടിശ്ശിക ഇനത്തിലെ സാമ്പത്തിക ഇടപാടുകളും, വട്ടിപ്പലിശക്കാരുടെ ഗുണ്ടായിസവും ഭയന്ന് ജീവൻപോലും അവഗണിച്ചുകൊണ്ട് അപൂർവ്വം ചില മത്സ്യത്തൊഴിലാളികളുടെ നേതൃത്വത്തിൽ ഇതുവഴി അതി സഹസികമായി യാനങ്ങൾ കടത്തിക്കൊണ്ട് പോകുന്നുണ്ട്, ഇത് ഈ മേഖലയിൽ അപകട സാധ്യതയും വർദ്ധിപ്പിച്ചിരിക്കുകയാണ്.

ആശാസ്ത്രീയ പുലിമുട്ട് നിർമ്മാണത്തിനാൽ അഴിമുഖത്ത് ക്രമാതീതമായി മണ്ണടിഞ്ഞുകൂടിയതിനെതുടർന്ന് ഉണ്ടായ അപകടങ്ങളിൽപ്പെട്ട് ഇതിനോടകം നിരവധി മത്സ്യബന്ധ ബോട്ടുകളാണ് അപകടത്തിൽ പെട്ടിട്ടുള്ളത്. ഇതുമൂലം ഒട്ടനവധി മത്സ്യത്തൊഴിലാളികളുടെ ജീവനും, മത്സ്യബന്ധന ഉപകരണങ്ങളും ഉൾപ്പെടെയുള്ള ലക്ഷങ്ങളുടെ നാശനഷ്ടങ്ങളുമാണ് ഇതിനോടകം സംഭവിച്ചിട്ടുള്ളത്.