സംസ്ഥാന ലൈബ്രറി കൗൺസിൽ നേതൃത്വത്തിൽ സംസ്ഥാന സെക്രട്ടറി വി കെ മധു നയിക്കുന്ന ജന ചേതന യാത്ര വിജയിപ്പിക്കുവാൻ ലൈബ്രറി കൗൺസിൽ മേഖലാ നേതൃസമിതി യോഗം തീരുമാനിച്ചു. ഡിസംബർ 23 ഉച്ചയ്ക്ക് രണ്ടര മണിക്കാണ് ജാഥ ആറ്റിങ്ങൽ കച്ചേരി നടയിൽ എത്തിച്ചേരുന്നത്. ഈ ജാഥയ്ക്ക് വമ്പിച്ച വരവേൽപ്പ് നൽകുവാനാണ് യോഗം തീരുമാനിച്ചത്.
ഐ എൻ എ ഹീറോ വക്കം ഖാദർ മെമ്മോറിയൽ ലൈബ്രറി ചേർന്ന യോഗം ലൈബ്രറി കൗൺസിൽ താലൂക്ക് ജോ. സെക്രട്ടറി എസ് പ്രവീൺ ചന്ദ്ര ഉദ്ഘാടനം ചെയ്തു. കെ. രാജേന്ദ്രൻ, കൊച്ചു കൃഷ്ണകുറുപ്പ്, വിജയ് വിമൽ എന്നിവർ പങ്കെടുത്തു.
