മുതലപ്പൊഴി ദുരന്തത്തിൽ മരണപ്പെട്ടവരുടെ കുടുംബങ്ങൾക്ക് നാല് ലക്ഷം വീതം ധനസഹായം അനുവദിച്ചു.

അഞ്ചുതെങ്ങ് മുതലപ്പൊഴിയിൽ മത്സ്യബന്ധന ബോട്ട് മറിഞ്ഞുണ്ടായ അപകടത്തിൽ മരണപ്പെട്ടവരുടെ ആശ്രിതർക്ക് നാല് ലക്ഷം രൂപവീതം സഹായ ധനം അനുവദിച്ച് ഉത്തരവായി.

അനുവദിച്ച 16 ലക്ഷം രൂപയുടെ ഉത്തരവ് കുടുംബാംഗങ്ങൾക്ക് അഡ്വക്കേറ്റ് വി ജോയ് എംഎൽഎ നേരിട്ട് എത്തി കൈമാറി. മരണപെട്ട 4 പേരുടെ കുടുംബങ്ങൾക്ക് 4 ലക്ഷം രൂപ വീതമാണ് നൽകുക.

വെട്ടൂർഗ്രാമപഞ്ചായത്ത് പ്രസിഡൻറ് ഷീജ സുനിൽ,ഗ്രാമ പഞ്ചായത്ത് അംഗങ്ങളായ താഹ, എമിലി, വർക്കല നഗരസഭ കൗൺസിലർ ഷംസുദ്ദീൻ തുടങ്ങിയവർ എംഎൽഎ യുടെ ഒപ്പമുണ്ടായിരുന്നു.