𝐁𝐑𝐄𝐀𝐊𝐈𝐍𝐆 𝐍𝐄𝐖𝐒
ട്രെഡ്ജ്റുകൾ എത്തിയില്ല : മുതലപ്പൊഴി അഴിമുഖത്തെ മണൽ നീക്കം പാളുന്നു : രോഷാകുലരായ് മത്സ്യത്തൊഴിലാളികൾ.

മുതലപ്പൊഴി അഴിമുഖത്ത് മണൽ മൂടിയതിനെ തുടർന്ന് മത്സ്യബന്ധനം നിലച്ച അഴിമുഖത്തെ മണൽ നീക്കം പാളുന്നു. ശനിയാഴ്ചയോടെ പൂർണ്ണതോതിൽ മണൽ നീക്കം ആരംഭിക്കുമെന്നായിരുന്നു അധികൃതർ ഉറപ്പ് നൽകിയിരുന്നത്.

എന്നാൽ നിലവിൽ കഴിഞ്ഞദിവസം എത്തിച്ച ഭീമൻ മണ്ണ് മാന്തി യന്ത്രങ്ങൾ ഉപയോഗിച്ചുള്ള മണൽ നീക്കൽ പ്രക്രിയ മാത്രമാണ് ഇന്നും നടന്നു വരുന്നത്. നിലവിലെ ഈ പ്രവർത്തികൾ തീർത്തും പരാജയപ്പെടുന്ന അവസ്ഥയാണ് കണ്ടുവരുന്നത്‌. മണ്ണുമാന്തി യന്ത്രത്താൽ കോരിമാറ്റുന്ന മണലിന്റെ ഇരട്ടിയിലേറെ മണലാണ് അഴിമുഖത്തേയ്ക്ക് വീണ്ടും വന്നടിഞ്ഞുകൊണ്ടിരിക്കുന്നത്.

ഇതോടെ, അടിയന്തരമായി ട്രെഡ്ജ്റുകൾ എത്തിച്ച് മണൽ നീക്കം കാര്യക്ഷമമാക്കണമെന്ന ആവിശ്യവുമായി രോഷാകുലരായ മത്സ്യതൊഴിലാളികൾ രംഗത്ത് വന്നു. തുടർന്ന് ഫിഷറീസ് എക്സിക്യൂട്ടീവ് ഇഞ്ചിനീയർ സ്ഥലത്തെത്തി സ്ഥിതിഗതികൾ വിലയിരുത്തി.

തുടർന്ന് മത്സ്യത്തൊഴിലാകളുമായി നടത്തിയ അനുനയ ചർച്ചയുടെ അടിസ്ഥാനത്തിൽ അടിയന്തരമായ് ട്രെഡ്ഡിജെറുകൾ എത്തിച്ചുള്ള മണൽ നീക്കം ആരംഭിക്കുമെന്ന് ഉറപ്പ് നൽകി.

എന്നാൽ, ട്രെഡ്ജറുകൾ എന്ന് എത്തിക്കുമെന്നതിൽ വ്യക്തമായ മറുപടി നൽകുവാൻ അധികൃതർ തയ്യാറായില്ല. അഴിമുഖത്തെ മണൽ നീക്കം ചെയ്ത് മത്സ്യബന്ധനം അപകടരഹിതവും സുഗമവുമാക്കണമെന്ന ആവിശ്യവുമായി വിവിധ കോണുകളിൽ നിന്ന് പ്രതിഷേധം ശക്തമായതോടെ കഴിഞ്ഞ 18 നാണ് ഫിഷറീസ് ഡയറക്ടർ സ്ഥലം സന്ദർശിച്ച് അടിയന്തരമായ് മണൽ നീക്കുവാനുള്ള നടപടികൾക്ക് നിർദ്ദേശം നൽകിയത്.