കേരളത്തില് അടുത്ത അഞ്ച് ദിവസം വ്യാപകമഴയ്ക്ക് സാധ്യത. ജൂണ് 3 മുതല് 5 വരെ ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
സംസ്ഥാനത്ത് കാലവര്ഷം നാളെ എത്തുമെന്ന പ്രവചനം നിലനില്ക്കെയാണ് കാലാവസ്ഥാ വകുപ്പ് അലേര്ട്ട് പ്രഖ്യാപിച്ചത്.
ഇന്ന് പത്തനംതിട്ട, ആലപ്പുഴ, എറണാകുളം, ഇടുക്കി ജില്ലകളിലും നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലുമാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. 24 മണിക്കൂറിനുള്ളില് ഈ ജില്ലകളില് 6.45 സെന്റീമീറ്റര് മുതല് 11.55 സെന്റീമീറ്റര് വരെ മഴ പെയ്യുമെന്നാണ് കാലാവസ്ഥ വകുപ്പ് മുന്നറിയിപ്പ് നല്കിയിരിക്കുന്നത്.
മത്സ്യത്തൊഴിലാളികള്ക്കും ജാഗ്രതാനിര്ദ്ദേശം നല്കിയിട്ടുണ്ട്. കേരള കര്ണാടക തീരങ്ങളിലും ലക്ഷദ്വീപ് പ്രദേശത്തും ഇന്ന് മുതല് ജൂണ് 04 വരെ മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
