അഞ്ചുതെങ്ങ് ലൈറ്റ് ഹൗസിൽ ലിഫ്റ്റ് ഉൾപ്പെടെയുള്ള അടിസ്ഥാന സൗകര്യ വികസനം കൊണ്ടുവരണമെന്ന ആവിശ്യവുമായ് നിവേദനം. സാമൂഹ്യ പ്രവർത്തകനായ അഞ്ചുതെങ്ങ് സജനാണ് അഞ്ചുതെങ്ങ് ലൈറ്റ് ഹൗസിൽ ലിഫ്റ്റ് സൗകര്യവും അടിസ്ഥാന സൗകര്യങ്ങളും ഒരുക്കണമെന്ന ആവിശ്യവുമായി ഡയറക്ടറേറ്റ് ഓഫ് ലൈറ്റ്ഹൗസ്സ് ആൻഡ് ലൈറ്റ്ഷിപ്സ്ന് നിവേദനം നൽകിയത്.
ചരിത്ര പ്രധാന്യമായ അഞ്ചുതെങ്ങ് കോട്ടയ്ക്ക് സമീപത്തായ് സ്ഥിതിചെയ്യുന്ന അഞ്ചുതെങ്ങ് ലൈറ്റ്ഹൗസ് ( അഞ്ചൻഗോ ലൈറ്റ് ഹൗസ്) സന്ദർശിക്കുവാനായി ദിനം പ്രതി സ്വദേശികളും വിദേശികളുമടക്കമുള്ള നൂറുകണക്കിനാലുളുകളാണ് എത്തുന്നത്. എന്നാൽ
ഇവർക്ക് ആവിശ്യമായ അടിസ്ഥാന സൗകര്യങ്ങൾ ഒരുക്കി നൽകുവാൻ ഇപ്പോഴും കഴിഞ്ഞിട്ടില്ല, 1988 ഏപ്രിൽ 20 ന് പൂർത്തികരിച്ച അഞ്ചുതെങ്ങ് ലൈറ്റ് ഹൗസ്, ലൈറ്റ്ഹൗസ് ശൃംഖലയിൽ കൊച്ചി മേഖല ഓഫീസ് ശൃംഘലയിൽ ഉൾപ്പെട്ടതാണ്. കാര്യമായ ഒരു വികസനവും നാളിതുവരെയും ഇവിടെ നടന്നിട്ടില്ല.
36 മീറ്റർ ഉയരവും ഇരുന്നൂറോളം പടവുകളുമുള്ള അഞ്ചുതെങ്ങ് ലൈറ്റ്ഹൗസ് സന്ദർശിക്കുവാൻ നിലവിൽ നിരവധി വിദേശികളും സസ്വദേശികളുമായ ടൂറിസ്റ്റ്കളാണ് വന്നുപോകുന്നത്, ഇവരിൽ ശാരീരിക വെല്ലുവിളികൾ നേരിടുന്നവർ/ പടവുകൾ കയറുവാൻ ബുദ്ധിമുട്ട് അനുഭവിക്കുന്നവർ തുടങ്ങിയവർക്ക് ഇവിടെ അത്യാധുനിക സൗകര്യങ്ങളോട്കൂടിയ ലിഫ്റ്റ് സ്ഥാപിക്കുകയാണെങ്കിൽ അത് ആശ്വാസകരമായിരിക്കും. മാത്രവുമല്ല ടൂറിസം മേഖലകൾ ഭിന്നശേഷി സൗഹൃദമാക്കുകയെന്ന ലക്ഷ്യപ്രാപ്തി കൈവരിയ്ക്കുവാനും ഇതുവഴി നമുക്ക് സാധിക്കും.
അതിനോടൊപ്പം ടൂറിസ്റ്റ്കൾക്ക് അഞ്ചുതെങ്ങിലെ ലൈറ്റ് ഹൗസ് ചരിത്രം മനസ്സിലാക്കുവാൻ കഴിയും തരത്തിൽ ഒരു ചരിത്ര ഗാലറികൂടി ഇതുമായി ബന്ധപെടുത്തി സ്ഥാപിക്കുകയാണെങ്കിൽ അത് ചരിത്രാന്ന്വേഷികളായ യുവ തലമുറയ്ക്ക് വളരെയേറെ പ്രയോജനകരമായി തീരുന്നതുമാണെന്ന് അദ്ദേഹം നിവേദനത്തിൽ സൂചിപ്പിക്കുന്നു.
നിലവിൽ കോവളം ലൈറ്റ് ഹൗസിൽ ഏർപ്പെടുത്തിയത് പോലുള്ള അത്യാധുനിക സൗകര്യങ്ങൾ അഞ്ചുതെങ്ങ് ലൈറ്റ്ഹൗസിലും ഒരുക്കി നൽകുവാനുള്ള തത്വര നടപടികൾ ഉണ്ടാകണമെന്ന് അഞ്ചുതെങ്ങ് സജൻ ഇ-മെയിൽ മുഖാന്തിരം വകുപ്പ് അധികാരിക്ക് അയച്ച നിവേദനത്തിൽ ചൂണ്ടിക്കാട്ടുന്നു.
കൂടാതെ, രാജ്യത്തെ 65 ലൈറ്റ് ഹൗസുകൾ വിനോദസഞ്ചാര കേന്ദ്രങ്ങളാക്കുക എന്ന ലക്ഷ്യത്തോടെ പൊതുമേഖലാ-സ്വകാര്യ പങ്കാളിത്തത്തിൽ (പി.പി.പി) ആവിഷ്കരിച്ച പദ്ധതിയിൽ കേരളത്തിൽ നിന്നുള്ള ഒൻപത് ലൈറ്റ് ഹൗസുകളിൽ ഒന്നാണ് അഞ്ചുതെങ്ങ് ലൈറ്റ് ഹൗസ്.
ലൈറ്റ് ഹൗസുകളിലെ സൗകര്യങ്ങൾ വിപുലീകരിച്ചും സ്ഥലം വിനിയോഗിച്ചും സഞ്ചാരികളെ ആകർഷിക്കുകയായിരുന്നു ഈ പദ്ധതിയുടെ പ്രധാന ലക്ഷ്യം.
ലൈറ്റ് ഹൗസുകളോട് ചേർന്ന സ്ഥലം സംരംഭകർക്ക് വിട്ടുനൽകിയും പൈതൃകത്തിന് യോജിച്ച വിധത്തിൽ അടിസ്ഥാന സൗകര്യങ്ങൾ നടപ്പാക്കാനുമായിരുന്നു പദ്ധതി.
എന്നാൽ നിലവിൽ ഈ പദ്ധതി പ്രഖ്യാപനത്തിൽ മാത്രം ഒതുങ്ങിയ മട്ടാണ്. അഞ്ചുതെങ്ങിൽ ഈ പദ്ധതിയുമായ് ബന്ധപ്പെട്ട കാര്യമായ ഒരു തുടർ പ്രവർത്തനങ്ങളും നടന്നിട്ടില്ലെന്നും അദ്ദേഹം പറയുന്നു.
