ശക്തമായ മഴയുണ്ടാകുമെന്ന മുന്നറിയിപ്പിനെ തുടർന്ന് കേരള-ലക്ഷദ്വീപ് തീരങ്ങളില് നവംബര് 13, 14 തീയതികളില് മത്സ്യബന്ധനത്തിന് വിലക്ക്.
തെക്കു പടിഞ്ഞാറന് ബംഗാള് ഉള്ക്കടലില് ശ്രീലങ്കന് തീരത്തോട് ചേര്ന്ന് നിലകൊള്ളുന്ന ന്യൂനമര്ദ്ദം അടുത്ത 24 മണിക്കൂറിനുള്ളില് ശക്തി പ്രാപിക്കുന്നതാണ് മഴ്ക്ക് കാരണമാകുന്നത്.
നവംബര് 12 രാവിലെ വരെ വടക്ക് പടിഞ്ഞാറന് ദിശയില് സഞ്ചരിച്ചു തമിഴ്നാട് പുതുച്ചേരി തീരത്തേക്ക് നീങ്ങുകയും തുടര്ന്ന് നവംബര് 12 , 13 തീയതികളില് പടിഞ്ഞാറ് വടക്കു പടിഞ്ഞാറ് ദിശയില് തമിഴ്നാട് പുതുച്ചേരി, കേരളം എന്നീ പ്രദേശങ്ങളിലൂടെ സഞ്ചരിക്കാന് സാധ്യതയുണ്ടെന്നും വകുപ്പ് അറിയിച്ചു.
കേരള-ലക്ഷദ്വീപ് തീരങ്ങളില് നവംബര് 13, 14 തീയതികളില് മണിക്കൂറില് 40 മുതല് 45 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്ന് കേന്ദ്ര കാലാവസ്ഥാ വകുപ്പ്. നവംബര് 13, 14 തിയ്യതികളില് കന്യകുമാരി തീരം, കേരള തീരം, തെക്കു കിഴക്കന് അറബിക്കടല്, ലക്ഷദ്വീപ് മാലിദ്വീപ് തീരങ്ങളില് മല്സ്യബന്ധനത്തിന് പോകാന് പാടില്ലെന്ന് തിരുവനന്തപുരം ജില്ലാ കളക്ടര് ജെറോമിക് ജോര്ജ് അറിയിച്ചു.
