𝐁𝐑𝐄𝐀𝐊𝐈𝐍𝐆 𝐍𝐄𝐖𝐒 അഞ്ചുതെങ്ങ് മാമ്പള്ളിയിൽ നവജാതശിശുവിനെ കൊലപ്പെടുത്തി ഉപേക്ഷിച്ച സംഭവത്തിൽ പ്രതിയായ മാതാവ് ജൂലിയ്ക്ക് ജാമ്യം.

അഞ്ചുതെങ്ങ് മാമ്പള്ളിയിൽ നവജാതശിശുവിനെ കൊലപ്പെടുത്തി ഉപേക്ഷിച്ച സംഭവത്തിൽ പ്രതിയ്ക്ക് ജാമ്യം. സംഭവത്തിൽ പ്രതിയായ മാതാവ് ജൂലിയ്ക്കാണ് ജാമ്യം അനുവദിച്ചത്.

കുഞ്ഞിന്റെ മാതാവായ ജൂലിയ്ക്ക്
ഉപാധികളോടെ തിരുവനന്തപുരം സെക്ഷൻ കോടതി ജസ്റ്റിസ് ബാലകൃഷണനാണ് ജാമ്യം അനുവദിച്ചത്. ഇന്ന് ഉച്ചയ്ക്ക് 12 മണിയോടെയാണ് ജൂലിയ്ക്ക് ജാമ്യം അനുവദിച്ചുകൊണ്ടുള്ള ഉത്തരവ് കൈമാറിയത്. 50,000 രൂപ കെട്ടിവച്ചുകൊണ്ടുള്ള രണ്ട് ആൾജാമ്യത്തിന്മേലാണ് ജാമ്യം. സാക്ഷികളെ സ്വാധീനിക്കരുതെന്നും, അന്ന്വേഷണ ഉദ്യോഗസ്ഥന് മുന്നിൽ എല്ലാ ശനിയാഴ്ചയും ഹാജരകാണമെന്ന പ്രധാന നിബന്ധനകളിന്മേലാണ് ജാമ്യം അനുവദിച്ചിട്ടുള്ളത്.

കഴിഞ്ഞ ജൂലൈ 18 നായിരുന്നു കേസിന് ആസ്‌പദമായ സംഭവം. വെളുപ്പിന് മൂന്നര മണിയോടെ മാമ്പള്ളി പള്ളിയ്ക്ക് സമീപത്തെ നടവഴിയിൽ നവജാത ശിശുവിന്റെ മൃതശരീരം തെരുവ്നായ്ക്കൾ കടിച്ചുകീറിയ അവസ്ഥയിലായിരുന്നു കണ്ടെത്തിയത്.

തുടർന്ന് അഞ്ചുതെങ്ങ് പോലീസ് സ്ഥലത്തെത്തുകയും കേസ് രജിസ്റ്റർ ചെയ്യുകയുമായിരുന്നു. തിരുവനന്തപുരം റൂറൽ എസ്.പി ശിൽപ്പ ദേവ IPS. വർക്കല എ.എസ്.പി വിജയഭരത് റെഡ്ഡി IPS എന്നിവരുടെ നേതൃത്വത്തിൽ അഞ്ചുതെങ്ങ് പോലീസ് സ്റ്റേഷൻ ഇൻസ്പെക്ടർ പ്രൈജു ജി കോസ്റ്റൽ പോലീസ് സ്റ്റേഷൻ എസ്സ്.ഐ രാഹുൽ ആർ ആർ അഞ്ചുതെങ്ങ് പോലീസ് സ്റ്റേഷൻ എസ്സ് ഐ മാഹീൻ ബി, എ.എസ്സ്. ഐ മാരായ വിനോദ്കുമാർ, ജൈനമ്മ എസ്സ് സി.പി.ഒ മാരായ ഷിബു. ഷിബുമോൻ, ഷാൻ, സി.പി.ഒ മാരായ ഷംനാസ്, പ്രജീഷ്, അനു കൃഷ്ണൻ, സുജിത്ത് വൈശാഖൻ സതീശൻ, ഗോകുൽ, കിരൺ, പ്രമോദ് തുടങ്ങിയവർ ഉൾപ്പെടുന്ന പ്രത്യേക അന്വേഷണ സംഘത്തിനായിരുന്നു കേസിന്റെ ചുമതല.

അന്ന്വേഷണത്തിൽ അഞ്ചുതെങ്ങ് മാമ്പള്ളി കൊച്ചുകിണറ്റിന്മൂട്ടിൽ ജൂലി (40) ആണ് കുഞ്ഞിന്റെ അമ്മയാണെന്ന കണ്ടെത്തുകയും അന്വേഷണ സംഘം
ജൂലൈ 28 ന് ജൂലിയെ സ്ഥലത്തെത്തിച്ച് തെളിവെടുപ്പ് നടത്തുകയും അറസ്റ്റ് രേഖപ്പെടുത്തി കോടതിയിൽ ഹാജരാക്കുകയുമായിരുന്നു.
പ്രതികൾക്ക് വേണ്ടി പ്രമുഖ
അഭിഭാഷകൻ സന്തോഷ് മഹാദേവനാണ് ഹാജരായത്.