വക്കം ഇറങ്ങുകടവ് കായലിൽ നിന്നും മൃതദേഹം കണ്ടെത്തി. ചിറയിൻകീഴ് കൂന്തളൂർ
വൈദ്യന്റെമുക്ക് വയൽതിട്ട വീട്ടിൽ കുമാർ (49) ന്റെ മൃതദേഹമാണ് രണ്ടു ദിവസം പഴക്കമുള്ള നിലയിൽ കണ്ടെത്തിയത്.
തിങ്കളാഴ്ച രാവിലെ 9 മണിയോടെ നാട്ടുകാരാണ് മൃതദേഹം കണ്ടത്. തുടർന്ന് കടയ്ക്കാവർ പോലീസും ആറ്റിങ്ങൽ ഫയർഫോഴ്സും ചേർന്നാണ് കായലിൽ നിന്നും മൃതദേഹം കരയ്ക്കെത്തിച്ചത്. മത്സ്യ ഫാമിലെ തൊഴിലാളിയായിരുന്നു കുമാർ ഏറെനാളായി വക്കം ഇറങ്ങുകടവിലാണ് താമസിച്ചിരുന്നത്.
പാരിപ്പള്ളി മെഡിക്കൽ കോളേജിൽ പരിശോധനയ്ക്ക് ശേഷം മൃതദേഹം ബന്ധുക്കൾക്ക് കൈമാറി.
