കടയ്ക്കാവൂർ എസ്ബിഐ എടിഎം സിഡിഎമ്മായ് അപ്ഗ്രേഡ് ചെയ്യണമെന്ന ആവിശ്യം ശക്തമാകുന്നു. അഞ്ചുതെങ്ങ് – കടയ്ക്കാവൂർ മേഖലയിലെ ബാങ്ക് ഇടപാട്കാരുടെ ഏക ആശ്രയമായ കടയ്ക്കാവൂർ ചെക്കാലവിളാകത്തെ എടിഎം ക്യാഷ് ഡെപ്പോസിറ്റ് മിഷ്യനായി (CDM) അപ്ഗ്രേഡ് ചെയ്യണമെന്ന ആവിശ്യം ഉയർന്നിരിക്കുന്നത്.
നിലവിൽ എസ്ബിഐ ക്ക് കടയ്ക്കാവൂർ, വർക്കല, വക്കം, ആറ്റിങ്ങൽ, ചിറയിൻകീഴ് തുടങ്ങിയ സ്ഥലങ്ങളിലാണ് എടിഎം നിലവിലുള്ളത്. ഇതിൽ കടയ്ക്കാവൂർ ഒഴികെയുള്ള എല്ലാ സ്ഥലങ്ങളിലേയും എടിഎമ്മുകളിൽ ക്യാഷ് ഡെപ്പോസിറ്റ് സംവിധാനമുണ്ട്. എസ്ബിഐ യുടെ കടയ്ക്കാവൂർ ശാഖയിൽ ദിനംപ്രതി നൂറുകണക്കിന് പേരാണ് ബാങ്കിലെത്തി ഇടപാടുകൾ നടത്തുന്നത്. ഇത് നിലവിൽ ഇടപാടുകാർക്ക് വൻതോതിൽ സമയനഷ്ടം സൃഷ്ടിക്കുന്നുണ്ട്. നിലവിൽ 40,000 വരെയുള്ള ഇടപാടുകൾ ATM വഴി നടത്തണമെന്ന നിർദേശം ഉണ്ടെങ്കിലും പലപ്പോഴും ചെക്കാലവിളാകത്തെ എസ്ബിഐ യുടേത് ഉൾപ്പെടെയുള്ള എടിഎമ്മുകൾ പ്രവർത്തിക്കാത്ത അവസ്ഥയിലുമായിരിക്കും. ഇത് ഇടപാട്കാരെ ചെറുതൊന്നുമല്ല വലക്കുന്നത്.
ജി പേ, പേ ടിഎം തുടങ്ങിയ ഓൺലൈൻ പണം ഇടപാടുകൾ രാജ്യത്ത് വർദ്ധിച്ചതോടെ ചെറിയ കാര്യങ്ങൾക്ക് പോലും ഫോൺ പേ സംവിധാനമാണ് ബഹുഭൂരിപക്ഷവും ഉപയോഗപ്പെടുത്തുന്നത്. അതിനാൽ തന്നെ അക്കൗണ്ടിൽ പണം തീർന്നാൽ തിരിച്ചിടുവാൻ ബാങ്ക് ശാഖയിലേക്കോ മറ്റ് സ്ഥലങ്ങളിലോ ഉള്ള ക്യാഷ് ഡെപ്പോസിറ്റ് മിഷീനുകളെ ആശ്രയിക്കേണ്ടുന്ന അവസ്ഥയാണ്. ഇത് 1000 രൂപക്ക് 10 മുതൽ 25 രൂപ നിരക്കിൽ കമ്മീഷൻ വാങ്ങി തുക അക്കൗണ്ടിലേക്ക് അയച്ചുകൊടുക്കുന്ന ചെറു പണമിടപാട് മാഫിയകളെ സൃഷ്ടിക്കുന്നതിനും കാരണമായിതീർന്നിട്ടുണ്ട്.
എത്രയും പെട്ടെന്ന് തന്നെ കടയ്ക്കാവൂരിലെ എസ്ബിഐ എടിഎം അപ്ഗ്രേഡ് ചെയ്ത് ക്യാഷ് ഡെപ്പോസിറ്റ് സംവിധാനം കൂടി ഉൾപ്പെടുത്തുവാൻ ബന്ധപ്പെട്ടവരുടെ ഭാഗത്ത് മിന്നും നടപടി ഉണ്ടാകണമെന്നാണ് നാട്ടുകാരുടെ ആവിശ്യം.
