നിലാവ് പദ്ധതി അട്ടിമറിയ്ക്കുന്നതായ് ആരോപിച്ചുകൊണ്ട് വക്കത്ത് കോൺഗ്രസ്സിന്റെ നേതൃത്വത്തിൽ KSEB ഓഫീസ് ഉപരോധം.
നിലാവ് പദ്ധതിയുടെ ഭാഗമായി വക്കം ഗ്രാമ പഞ്ചായത്തിന് കീഴിലെ എല്ലാ വാർഡുകളിലും ആവിശ്യമായ വഴിവിളക്കുകൾ സ്ഥാപിക്കുവാൻ KSEB അധികൃതർ കാട്ടുന്ന അനാസ്ഥയിൽ പ്രതിഷേധിച്ചുകൊണ്ടാണ് വക്കത്തെ കോൺഗ്രസ്‌ ജനപ്രതിനിധികളുടെ നേതൃത്വത്തിൽ ഉപരോധം സമരം സംഘടിപ്പിച്ചത്.
ഓരോ വാർഡിലും അനുവദിക്കപ്പെട്ടിട്ടുള്ള വഴിവിളക്കുകൾ 60 മുതൽ 65 ആണെന്നിരിയ്ക്കെ പഞ്ചായത്തിലെ മിക്ക വാർഡുകളിലും 35 മുതൽ 45 വരെ ലൈറ്റുകൾ മാത്രമാണ് KSESB അധികൃതർ സ്ഥാപിച്ചതെന്നും എന്നാൽ ഔദ്യോഗിക കണക്കുകൾ പ്രകാരം ഓരോ വാർഡിലും 60 മുകളിൽ ലൈറ്റുകൾ സ്ഥാപിച്ചതായി രേഖകളിൽ ഉള്ളതായും ആരോപണം ഉന്നയിച്ചുകൊണ്ടാണ് കോൺഗ്രസ്‌ ജനപ്രതിനിധികൾ പ്രതിഷേധ പരിപാടിക്ക് നേതൃത്വം നൽകിയത്.
ഉപരോധ പരിപാടിയിൽ ഗ്രാമ പഞ്ചായത്ത് വൈസ് പ്രസിഡന്റ് എൻ ബിഷ്‌ണു, വികസന സ്റ്റാൻഡിങ്ങ് കമ്മറ്റി ചെയർമാൻ ലാലിജ, ക്ഷേകംകാര്യ സ്റ്റാൻഡിങ് കമ്മറ്റി ചെയർമാൻ അരുൺ, വാർഡ് മെമ്പർമാരായ ഫൈസൽ, അശോകൻ തുടങ്ങിയവർ നേതൃത്വം നൽകി.
തുടർന്ന് കടയ്ക്കാവൂർ പോലീസ് സ്ഥത്തെത്തി നടത്തിയ മധ്യസ്ഥ ചർച്ചയിൽ എത്രയും പെട്ടെന്ന് തന്നെ പദ്ധതി പൂർണ്ണതോതിൽ നടപ്പാക്കുവാനുള്ള നടപടി സ്വീകരിക്കുമെന്ന അസിസ്റ്റന്റ് എക്സിക്യൂട്റ്റീവ് എഞ്ചിനീയറുടെ ഉറപ്പിന്മേൽ ഉപരോധം സമരം അവസാനിപ്പിക്കുകയായിരുന്നു.
